GUTKA CAUGHT: అక్రమంగా తరలిస్తున్న గుట్కా, మద్యం పట్టివేత

తెలంగాణ నుంచి కర్నూలు జిల్లాలోకి అక్రమంగా తరలిస్తున్న గుట్కా, మద్యాన్ని పోలీసులు పట్టుకున్నారు. నిందితులను అదుపులోకి తీసుకుని.. వారు వినియోగించిన వాహనాలను సీజ్ చేశారు.

కర్నూలు పంచలింగాల చెక్​పోస్టు వద్ద భారీగా గుట్కా ప్యాకెట్లను సెబ్ అధికారులు పట్టుకున్నారు. హైదరాబాద్ నుంచి కర్నూలు వైపు వస్తున్న కారును సెబ్ అధికారులు తనిఖీ చేయగా.. భారీగా గుట్కా ప్యాకెట్లు బయటపడ్డాయి. ప్యాకెట్లను తరలిస్తున్న తెలంగాణ రాష్ట్రం వనపర్తి జిల్లాకు చెందిన కట్రా శ్రీకాంత్, మహీత్ సుదాకర్​లను అదుపులోకి తీసుకుని కారు, రూ.80 వేలు విలువ చేసే గుట్కా ప్యాకెట్లను స్వాధీనం చేసుకున్నట్లు సెబ్ సీఐ మంజుల తెలిపారు.

రూ. 2 లక్షలు విలువ చేసే కర్ణాటక మద్యం పట్టివేత..

కర్నూలు జిల్లా మంత్రాలయం, కౌతాళం పోలీసు స్టేషన్ పరిధిలో కర్నాటక రాష్ట్రం నుంచి ఏపీకి అక్రమంగా తరలిస్తున్న మద్యాన్ని ముగ్గురు వ్యక్తులను పోలీసులు అదుపులోకి తీసుకున్నారు. వారి వద్ద నుంచి దాదాపు రూ. 2 లక్షలు విలువ చేసే మద్యం ప్యాకెట్లు స్వాధీనం చేసుకొని, మూడు ద్విచక్ర వాహనాలను సీజ్ చేసి కేసు నమోదు చేశారు.

ఇదీ చదవండి: