ట్రాఫిక్ నియమాలను పాటించి రోడ్డు ప్రమాదాలను అరికట్టాలని కర్నూలు ట్రాఫిక్ డీఎస్పీ మహబూబ్ బాషా అన్నారు. రహదారి భద్రత దినోత్సవం సందర్భంగా నగరంలో విద్యార్థులతో ర్యాలీ నిర్వహించారు. కొండారెడ్డి బురుజు కేంద్రం నుంచి రాజ్ విహర్ కూడలి వరకు ఈ ర్యాలీ కొనసాగింది.
వాహనంపై ప్రయాణం చేసేటప్పుడు తప్పనిసరిగా హెల్మెట్ ధరించాలని తెలిపారు. మద్యం సేవించి వాహనాలను నడపకూడదని అన్నారు. ట్రాఫిక్ సిగ్నల్స్ దగ్గర కచ్చితంగా నియమాలను పాటించాలని పేర్కొన్నారు. ఇలాంటి జాగ్రత్తలు తీసుకోవడం వల్ల రోడ్డు ప్రమాదాలను అరికట్టవచ్చని చెప్పారు. మన ప్రాణాలతో పాటు... ఇతరుల ప్రాణాలను కాపాడుకోగలమని వెల్లడించారు.