పురుగుల మందు తాగి రైతు ఆత్మహత్య

కర్నూలు జిల్లా గోనెగండ్ల మండలంలో ఓ రైతు పురుగుల మందు తాగి ఆత్మహత్య చేసుకున్నాడు. చేసిన అప్పులు భారం కావడంతో ఈ అఘాయిత్యానికి పాల్పడ్డాడు. కేసు నమోదు చేసుకున్న పోలీసులు దర్యాప్తు చేపట్టారు.

కర్నూలు జిల్లా గోనెగండ్ల మండలంలోని తిప్పనూరుకు చెందిన నాగభూషణరెడ్డి (41) పురుగుల మందు తాగి ఆత్మహత్య చేసుకున్నాడు. రెండేళ్లుగా ఉల్లి సాగు చేయగా ధర లేక దాదాపు ఐదు లక్షల వరకు అప్పులపాలయ్యాడు. ఈ ఆవేదనతో మూడు రోజుల క్రితం పురుగుల మందు తాగాడు. చికిత్స కోసం కర్నూలు ప్రభుత్వ ఆసుపత్రికి తరలించగా చికిత్స పొందుతూ..ఈ రోజు మృతి చెందాడు. కేసు నమోదు చేసుకున్న పోలీసులు దర్యాప్తు చేపట్టారు.

ఇదీ చదవండి: కనిష్ఠ స్థాయికి శ్రీశైలం జలాశయం నీటిమట్టం