కర్నూలులో ప్రశాంతంగా రెండోరోజు కరోనా వ్యాక్సినేషన్

కర్నూలులో కరోనా వ్యాక్సినేషన్ ప్రక్రియ రెండోరోజు ప్రశాంతంగా జరిగింది. జిల్లా కేంద్రంలోని అర్బన్ హెల్త్ సెంటర్​లో టీకా కార్యక్రమం చేపట్టారు. కొవిడ్ వ్యాక్సిన్ కోసం వచ్చే వారు ఎలాంటి భయాందోళనలకు గురికావాల్సిన అవసరం లేదని.. హెల్త్ వర్కర్స్​ అవగాహన కల్పించారు.

కర్నూలులో కరోనా వ్యాక్సిన్ కార్యక్రమం రెండో రోజు ప్రశాంతంగా సాగింది. జిల్లాలోని అర్బన్ హెల్త్ సెంటర్​లో కొవిడ్ వ్యాక్సినేషన్​ ప్రక్రియను జిల్లా అదనపు కలెక్టర్ ఖాజా మెహిద్దీన్ పరిశీలించారు. టీకా వేసుకునేందుకు ఎలాంటి భయాందోళనలకు గురికావాల్సిన అవసరం లేదని.. హెల్త్ వర్కర్స్​ అవగాహన కల్పించారు. ఇప్పటివరకు జిల్లాలో టీకా వేసుకున్నవారికి ఎలాంటి దుష్ప్రభావాలు కలగలేదని వైద్యులు తెలిపారు. టీకా వేసుకున్న వారు అరగంట పాటు వ్యాక్సినేషన్ కేంద్రంలోనే వైద్యుల పర్యవేక్షణలో ఉండేవిధంగా అధికారులు ఏర్పాట్లు చేశారు.

ఇదీ చదవండి: కరోనా టీకా పంపిణీపై సైకత శిల్పం