కర్నూలు జిల్లాలో కరోనా పాజిటివ్ కేసులు రోజు రోజుకూ అధికమవుతున్నాయి. నేడు జిల్లాలో మరో 51 కేసులు నమోదయ్యాయి. ఆదోని ప్రాంతంలోనే కేసుల సంఖ్య అధికంగా వస్తుండటంపై.. అధికారులు ఆ ప్రాంతంలో లాక్ డౌన్ విధించారు.
ఈ రోజు నమోదైన కేసుల్లో.. ఆదోనిలో 27, కర్నూలులో 6, కౌతాళంలో 3, నంద్యాలలో 3, తుగ్గలి 1, ఎమ్మిగనూరు రూరల్లో 2, ఆదోని రూరల్లో 3, నంద్యాల రూరల్లో 5, మరో ప్రాంతంలో ఒక కేసు నమోదు అయ్యాయి. జిల్లాలో ఇప్పటి వరకు 996 మందికి కరోనా సోకింది. ఆదివారం కరోనా నుంచి పూర్తిగా కోలుకుని 16 మంది ఆసుపత్రి నుంచి డిశ్చార్జ్ అయ్యారు. వీరితో కలిపి.. వైరస్ నుంచి పూర్తిగా కోలుకొన్న వారి సంఖ్య 829 కి చేరింది.