ఇరువర్గాల మధ్య ఘర్షణ... ఒకరికి గాయాలు
కర్నూలు జిల్లా మహానంది మండలం గోపవరంలో రెండు కుటుంబాల మధ్య ఘర్షణ జరిగింది. దారి విషయంలో జరిగిన ఈ గొడవ ఉద్రిక్తతకు దారితీసింది. గ్రామానికి చెందిన చిన్నన్న అనే వ్యక్తి... బాలేశ్వరాచారి అనే మరో వ్యక్తి తలపై దాడి చేయగా.. బాధితుడికి తీవ్ర గాయాలయ్యాయి. బాలేశ్వరాచారిని నంద్యాల ప్రభుత్వ ఆస్పత్రికి తరలించారు. ఘటనపై పోలీసులు కేసు నమోదు చేసి దర్యాప్తు చేస్తున్నారు.