కర్నూలు జిల్లా ఆదోని డీఎస్పీ వినోద్ కుమార్పై కేసు నమోదు చేయాలని రెండో పట్టణ పోలీస్ స్టేషన్లో నవ్యాంధ్ర ఎమ్మార్పీఎస్, బహుజన ఐక్యవేదిక బాధితులు ఫిర్యాదు చేశారు. గత నెలలో డివిజన్ పరిధిలోని ఎమ్మిగనూరు, హోలాగుంద మండలంలో దళితులపై దాడి కేసు విషయంలో అట్రాసిటీ నమోదు చేయలేదని డీఎస్పీపై ఆరోపణలు చేశారు.
హోలాగుంద, ఎమ్మిగనూరులో దళితులపై దాడి చేసిన సమయంలో స్టేషన్లకు వెళ్లిన ఫలితం లేదని ఆందోళన చెందారు. ఎస్సీ, ఎస్టీ అట్రాసిటీ కేసులు నీరుగారుస్తున్నారని ఆరోపించారు. డీఎస్పీ వినోద్ కుమార్పై వెంటనే క్రిమినల్ కేసు నమోదు చేయాలని డిమాండ్ చేశారు.