ఈనెల 18న కర్నూలు జిల్లాలో సీఎం జగన్ పర్యటన

ముఖ్యమంత్రి జగన్​మోహన్ రెడ్డి ఈ నెల18న కర్నూలు జిల్లాలో పర్యటించనున్నారు. కర్నూలులో హైకోర్టు ఏర్పాటు చేస్తామని ప్రతిపాదించిన తరువాత సీఎం జిల్లాకు రావడం ఇదే తొలిసారి. ఈ నేపథ్యంలో ఏర్పాట్లను మంత్రులు, స్థానిక ఎమ్మెల్యేలు పర్యవేక్షించారు.

కర్నూలు జిల్లాలో ఈ నెల 18న ముఖ్యమంత్రి వైఎస్ జగన్​మోహన్‌రెడ్డిపర్యటించనున్నట్లు జలవనరుల శాఖ మంత్రి అనిల్​ కుమార్ యాదవ్ వెల్లడించారు. సీఎం పర్యటనకు సంబంధించి ఏర్పాట్లను రాష్ట్ర ఆర్థిక శాఖ మంత్రిబుగ్గన రాజేంథ్రనాథ్​రెడ్డి, కార్మిక శాఖ మంత్రి గుమ్మనూరు జయరాంతో కలిసి పరిశీలించారు. మొదట కలెక్టర్ సమావేశ మందిరంలో అధికారులతో సమీక్షా సమావేశం నిర్వహించారు. అనంతరం సీఎం సభ నిర్వహించే కర్నూలులోని ఎస్టీబీసీ కళాశాల మైదానానికి మంత్రులు చేరుకౌని ఏర్పాట్లను పరిశీలించారు.