కర్నూలు జిల్లాలో జరిగిన రోడ్డు ప్రమాద బాధిత కుటుంబాలకు సీఎం జగన్ రూ.5 లక్షల చొప్పున నష్ట పరిహారం ప్రకటించారు. తీవ్రంగా గాయపడిన వారికి రూ.50 వేలు పరిహారం అందించాలన్నారు. క్షతగాత్రుల చికిత్స ఖర్చు మొత్తం ప్రభుత్వమే భరిస్తుందని తెలిపారు. ఈ మేరకు కర్నూలు కలెక్టర్ వీరపాండియన్‌కు ఫోన్ చేసి చెప్పారు.
ఏం జరిగిందంటే..?
మంగళవారం జరిగిన రోడ్డు ప్రమాదంలో నలుగురు చిన్నారులతో పాటు మహిళ మృతి చెందింది. శిరివెళ్ల మండలం జాతీయ రహదారిపై యర్రగుంట్ల వద్ద ఉదయం నాలుగున్నర సమయంలో చోటు చేసుకున్న ఈ ఘోర ప్రమాదం స్థానికంగా పెను విషాదం నింపింది. సుమారు 20 మంది రహదారి దాటేందుకు వేచి ఉండగా.. హఠాత్తుగా ఓ మినీ లారీ వారిపైకి దూసుకెళ్లింది.
ఇదీ చదవండి:నమ్మి భూములిస్తే... నట్టేట ముంచుతారా?
