కూలిన వంతెన.. నిలిచిపోయిన రాకపోకలు

కర్నూలు జిల్లా మద్దికెర - పత్తికొండ ప్రధాన రహదారిలోని వంతెన కూలిపోయింది. హఠాత్తుగా జరిగిన ఈ సంఘటనతో స్థానికులు ఆందోళన చెందారు. అధికారులు వెంటనే చర్యలు తీసుకుని రాకపోకలు పునరుద్ధరించాలని కోరారు.

కర్నూలు జిల్లా మద్దికెర - పత్తికొండ ప్రధాన రహదారిలో ఉన్న వంతెన కూలిపోవడంతో రాకపోకలు నిలిచిపోయాయి. అనంతపురం జిల్లా గుంతకల్లు నుంచి కర్నూలు వెళ్లేందుకు ఇదే ప్రధాన రహదారి కావడంతో ప్రయాణికులు ఇబ్బందులు ఎదుర్కొంటున్నారు. ఈ రోజు ఉదయం హఠాత్తుగా వంతెన కూలిపోవడంతో స్థానికులు ఆందోళనకు గురయ్యారు. కూలిన సమయంలో వాహనాలేవీ లేకపోవడంతో పెద్ద ప్రమాదం తప్పిపోయిందని గ్రామస్థులు తెలిపారు. వాహనాల రాకపోకలకు మరో మార్గం లేనందున అధికారులు వెంటనే చర్యలు తీసుకోవాలని కోరారు.

ఇదీ చదవండి:పురపోరులో తెదేపాదే విజయం: పట్టాభి