అభ్యర్థి నామినేషన్​లో వలంటీర్​... సస్పెండ్ చేసిన అధికారులు​

వైకాపా వర్గానికి చెందిన ఓ వార్డు అభ్యర్థి​ నామినేషన్ దాఖలుకు వెంట వెళ్లిన గ్రామ వలంటీర్​ను అధికారులు సస్పెండ్​ చేశారు. ఈ సంఘటన కర్నూలు జిల్లా మహానంది మండలం బొల్లవరంలో జరిగింది.

కర్నూలు జిల్లా మహానంది మండలం బొల్లవరం గ్రామ వలంటీర్ శ్రీనివాసులును అధికారులు సస్పెండ్​ చేశారు. వైకాపా వర్గానికి చెందిన ఓ మహిళ ఏడో వార్డుకి నామినేషన్​ వేసేందుకు వలంటీర్​ శ్రీనివాసులు వెళ్లాడు.

దీనిపై తెదేపా వర్గీయులు ఆరోపించడంతో అధికారులు వాలింటీర్​ శ్రీనివాసులును తొలగించారు. గ్రామ వలంటీర్​ల సహాయంతో ఎన్నికలను తప్పుదోవ పట్టిస్తున్నారని స్థానికులు ఆరోపిస్తున్నారు.

ఇదీ చదవండి:సర్పంచి అభ్యర్థి కిడ్నాప్.. అధికార పార్టీ నేతలపై అనుమానం