పత్తికొండలో ఉద్రిక్తం: కర్నూలు భాజపా అధ్యక్షుడు రామస్వామి అరెస్ట్

కర్నూలు పట్టణ శివారులో ఆంజనేయ స్వామి విగ్రహాన్ని దుండగలు ధ్వంసం చేసినందుకు చలో పత్తికొండకు భాజపా పిలుపునిచ్చింది. ఈ నేపథ్యంలో కర్నూలు జిల్లా పత్తికొండ పట్టణంలో ఉద్రిక్త వాతవారణం నెలకొంది.

కర్నూలు జిల్లాలో భారతీయ జనతా పార్టీ నేతలు తలపెట్టిన ధర్నాకు పోలీసులు అడుగడుగునా అడ్డుతగిలారు. బుధవారం పట్టణ శివారులో ఆంజనేయ స్వామి విగ్రహాన్ని గుర్తుతెలియని వ్యక్తులు ధ్వంసం చేయడాన్ని ఖండిస్తూ.. చలో పత్తికొండకు జిల్లా నాయకులు పిలుపునిచ్చారు. సమాచారం అందుకున్న పోలీసులు భాజపా నేతలను ముందస్తు అరెస్టులు చేశారు. అనంతరం వారిని గృహనిర్భంధం చేశారు. భాజపా జిల్లా అధ్యక్షుడు రామస్వామి పోలీసుల కళ్లుగప్పి పత్తికొండ చేరుకున్నారు. అక్కడ పోలీసులు ఆయనను అదుపులోకి తీసుకున్నారు.

ఇవీ చూడండి : రాష్ట్రవ్యాప్తంగా భాజపా నేతల గృహ నిర్బంధం