శ్రీశైలం దేవస్థానంలో టికెట్ల విక్రయంలో భారీ అవినీతి

శ్రీశైలం దేవస్థానంలో బ్యాంకుల తరపున టికెట్ కౌంటర్ పనిచేసే సిబ్బంది భారీ అవినీతికి పాల్పడినట్లు దేవస్థానం అధికారులు తెలిపారు. నిందితులపై త్వరలోనే కఠిన చర్యలు తీసుకుంటామని కె.ఎస్.రామారావు ఆలయ ఈవో తెలిపారు.

శ్రీశైల దేవస్థానం ఆర్జిత సేవల దర్శనం టిక్కెట్ల విక్రయాల్లో భారీ ఎత్తున అవినీతి జరిగింది. బ్యాంకుల తరఫున టికెట్ కౌంటర్​లో పనిచేసే పొరుగు సేవల సిబ్బంది మూడేళ్ల నుంచి ఇప్పటివరకు రూ.1.42 కోట్ల అవినీతి జరిగినట్లు దేవస్థానం అధికారులు గుర్తించారు. అవినీతి జరిగిందని ఫిర్యాదు అందగానే దేవస్థానం ఈవో కె.ఎస్.రామారావు ఏఈఓ హరిదాసును విచారణ అధికారిగా నియమించారు.

కంప్యూటర్ల​లోని సాఫ్ట్​వేర్​ను దుర్వినియోగం చేసి అవినీతికి పాల్పడినట్లు ప్రాథమికంగా గుర్తించారు. ఈ ఘటనపై క్రిమినల్ కేసు కూడా నమోదు చేస్తున్నట్లు తెలిపారు. దేవాదాయ శాఖ ఆధ్వర్యంలో కూడా విచారణ జరుగుతుందని స్పష్టం చేశారు.

టికెట్ కౌంటర్​లో గత కొంతకాలం నుంచి జరుగుతున్న అవినీతి అక్రమాలు దృష్టిలో పెట్టుకొని భవిష్యత్తులో శాశ్వత ఉద్యోగులకు కౌంటర్ల బాధ్యతలు అప్పగిస్తున్నట్లు తెలిపారు.

ఇదీ చూడండిఆన్​లైన్​ స్నేహాలపై 'సీబీఎస్​ఈ' ప్రత్యేక పాఠాలు!