కర్నూలు జిల్లా మహానంది మండలం అరటిసాగుకు ప్రసిద్ధి. అరటిలో సుగంధ రకాన్ని సాగు చేయడం ఇక్కడ రైతులకు పరిపాటి. ఈ సారి దిగుబడి ఆశాజనకంగా ఉన్నా.. ధర మాత్రం నిరాశాజనకంగా ఉంది. ఒక గెల అరటి ధర యాభై రూపాయల నుంచి వంద దాకా ఉంది. ఈ ధర ఏమాత్రం గిట్టుబాటు కాదని రైతులు వాపోతున్నారు. ఎకరానికి కౌలు, పెట్టుబడి కలిపి లక్ష రూపాయలు ఖర్చు చేసినట్లుగా రైతులు చెబుతున్నారు.
అరటికాయలను కొనుగోలు చేసేందుకు ఎవరూ ఆసక్తి చూపడం లేదని రైతులు తెలిపారు. చెట్టుపైనే కాయలు మాగి పోతున్నాయని ఆవేదన వ్యక్తంచేశారు. ప్రభుత్వం స్పందించి ఆదుకోవాలని అరటి రైతులు కోరుతున్నారు.