కరోనా ఎఫెక్ట్​: ఆంధ్రా-కర్ణాటక సరిహద్దు మూసివేత

రాష్ట్ర ప్రభుత్వం లాక్​డౌన్ ప్రకటించిన నేపథ్యంలో కర్నూలు జిల్లాలో ఆంధ్రా-కర్ణాటక సరిహద్దును మూసివేశారు. ఎవరూ రాష్ట్రంలోకి రాకుండా పోలీసులు పటిష్ట చర్యలు చేపట్టారు.

కర్నూలు జిల్లాలో ఆంధ్రా-కర్ణాటక సరిహద్దును పోలీసులు మూసివేశారు. అత్యవసర సేవలు మినహా ఎవరూ రాష్ట్రంలోకి రాకుండా పోలీసులు పటిష్ట చర్యలు తీసుకుంటున్నారు. తమను అనుమతించడం లేదని వాహనదారులు ఆదోని మండలం పెద్ద హరివణం చెక్​పోస్టు వద్ద కొందరు పోలీసులతో వాగ్వాదానికి దిగారు. వాహనాలు నిలిపివేయడంతో భారీ ఎత్తున వాహనాలు నిలిచిపోయాయి. మరోవైపు ఆదోని బావాజీ మఠంలో కరోనా వైరస్ నుంచి దేశం మెుత్తం కోలుకోవాలని బ్రాహ్మణులు పారాయణం చేశారు.

ఇదీ చూడండి:బనగానపల్లెలో జనతా కర్ఫ్యూ..!