కర్నూలులో రోడ్డు ప్రమాదం...ముగ్గురు మృతి కర్నూలు జిల్లా కోడుమూరు-ఎమ్మిగనూరు ప్రధాన రహదారిపై జేసీబీ, రెండు ద్విచక్రవాహనాలను ఢీకొన్న ప్రమాదంలో ముగ్గురు మృతి చెందారు. గోనెగండ్ల మండలం లింగందిన్నె గ్రామానికి చెందిన చిన్న గోపాల్, లక్ష్మీకాంత్, రాముడు, రామాంజనేయులు అదే మండలంలో జరిగేపుట్టపాశంజాతరకు2 ద్విచక్ర వాహనాల్లో వెళ్లారు. కార్యక్రమం ముగించుకొనితిరిగి వస్తుండగా దుర్ఘటన జరిగింది.ఈ ప్రమాదంలో చిన్న గోపాల్, లక్ష్మీకాంత్, రాముడుఅక్కడికక్కడే మృతి చెందగా... రామాంజనేయులకుతీవ్ర గాయాలయ్యాయి. అటుగా వెళ్తున్న ఎంపీ బుట్టా రేణుక... క్షతగాత్రుడు రామాంజనేయులను తన వాహనంలో ఆసుపత్రి తీసుకెళ్లారు. సమాచారం అందుకున్న పోలీసులు ఘటనా స్థలానికి చేరుకొని మృతదేహాలను కోడుమూరు ప్రభుత్వాసుపత్రికి తరలించారు. ఎస్సై నరసింహులు నిందితుడిని అదుపులోకి తీసుకుని కేసు నమోదు చేసి విచారణ చేపట్టారు. మృతులంతా ఒకే కుటుంబానికి చెందిన బంధువులు కావడంగ్రామంలో విషాదాన్ని నింపింది.
