దారుణం... యువతిపై కత్తితో దాడిచేసిన ప్రేమోన్మాది

తెలంగాణలోని రంగారెడ్డి జిల్లా దారుణం జరిగింది. ఓ ప్రేమోన్మాది యువతిపై కత్తితో దాడి చేశాడు. తీవ్రగాయాల పాలైన యువతిని స్థానికులు ఆస్పత్రికి తరలించారు. ప్రస్తుతం బాధితురాలి పరిస్థితి విషమంగా ఉంది.

తెలంగాణ రాష్ట్రంలోని రంగారెడ్డి నార్సింగి పరిధి హైదర్‌షాకోట్‌లో దారుణం జరిగింది. యువతిపై ప్రేమోన్మాది కత్తితో దాడి చేశాడు. ఆమె పరిస్థితి విషమంగా ఉంది. ప్రేమోన్మాది చేతిలో దాడికి గురైన ఆమెను స్థానికులు లంగర్​హౌస్​లోని ప్రైవేట్​ ఆస్పత్రికి తరలించారు. నిందితుడిని పోలీసులు అదుపులోకి తీసుకున్నారు. నిందితుడు గతంలో బాధితురాలికి స్నేహితుడిగా గుర్తించారు. తన కుమార్తెను వేధిస్తున్నాడని గతంలో ఆమె తండ్రి అతడిపై షీ టీమ్స్‌కు ఫిర్యాదు చేసినట్లు పోలీసులు తెలిపారు.

ఇదీ చదవండి: 'వైకాపా మద్దతుదారులకు ఓటేయలేదని.. పింఛన్​ నిలిపేశారు'