ఎస్సైలు 'సైరా' అంటే.. ఎస్పీ వీఆర్ అన్నారు!

సినిమా అభిమానం ఎస్సైల కొంప ముంచింది. విధులు నిర్వహించకుండా సైరా సినిమాకు వెళ్లిన ఆరుగురు ఎస్సైలపై ఎస్పీ మండిపడ్డారు. ఆరుగురినీ వీఆర్ కు పంపిస్తూ ఆదేశాలు జారీ చేశారు.

సినిమా అభిమానం కర్నూలు జిల్లాలో ఆరుగురు ఎస్సైలఉద్యోగం మీదకు తెచ్చింది.ఇవాళ విడుదలైన సైరా నరసింహారెడ్డి సినిమాకు వెళ్లిన ఆరుగురు ఎస్‌ఐలపై....కర్నూలు జిల్లా ఎస్పీ వేటు వేశారు.ఆరుగురు ఎస్సైలు కోవెలకుంట్లలోని....సినిమా థియేటర్‌కు వెళ్లారు.సినిమా చూస్తుండగానే ఉన్నతాధికారులకు సమాచారం అందింది.గాంధీ జయంతి,కొత్త గ్రామ,వార్డు సచివాలయాల ప్రారంభోత్సవాల వంటి కీలక కార్యక్రమాల బందోబస్తు వదిలేసి...సమాచారం ఇవ్వకుండా సినిమాకెళ్లారని ఆగ్రహం వ్యక్తంచేసిన కర్నూలు ఎస్పీ ఫక్కీరప్ప....ఆరుగురినీ వీఆర్ కు పంపిస్తూ ఆదేశాలు జారీ చేశారు.