కృష్ణా నదిలోకి దూకి మహిళ ఆత్మహత్యాయత్నం
విజయవాడ ప్రకాశం బ్యారేజ్పై నుంచి ఓ మహిళ కృష్ణా నదిలోకి దూకి ఆత్మహత్యకు ప్రయత్నించింది. అదృష్టవశాత్తు గజ ఈతగాళ్లు అక్కడే ఉండటం వల్ల ఆ మహిళను కాపాడారు. కుమారుడితో నడుచుకుంటూ వచ్చిన ఆమె బిడ్డ చేతిని విడిపించుకొని నదిలోకి దూకిన దృశ్యం సీసీ టీవీ ఫుటేజ్లో నమోదయ్యాయి. ఈ సంఘటన బుధవారం జరిగింది. ఆత్మహత్యకు యత్నించిన మహిళను విజయవాడ వాసిగా పోలీసులు గుర్తించారు. కుటుంబ కలహాల నేపథ్యంలో ఆమె ఈ ఘటనకు పాల్పడినట్టు తెలుసుకున్నారు. బాధిత మహిళ బంధువులను పిలిపించి కౌన్సెలింగ్ ఇచ్చారు.