మహిళా కమీషన్ ఛైర్ పర్సన్ వాసిరెడ్డి పద్మ
కృష్ణా జిల్లా మచిలీపట్నం గ్రేస్ నర్సింగ్ కళాశాల కరస్పాండెంట్ పై ఓ విద్యార్థిని పోలీసులకు ఫిర్యాదు చేసింది. కొంత కాలంగా తనను లైంగిక వేధింపులకు గురి చేస్తున్నాడంటూ ఆవేదన చెందింది. విషయం తెలుసుకున్న మహిళా కమిషన్ ఛైర్ పర్సన్ వాసిరెడ్డి పద్మ కళాశాలను సందర్శించారు. విద్యార్థినుల సమస్యలపై ఆరా తీశారు. కరస్పాండెంట్ రమేశ్ పై.. విద్యార్థినులు ఆమెకు ఫిర్యాదు చేశారు. కరస్పాండెంట్ ను పోలీసులు అదుపులోకి తీసుకున్నారు. అనంతరం స్థానిక మంత్రి పేర్ని వెంకటరామయ్యతో కలిసి జిల్లా ప్రభుత్వ ఆస్పత్రిలోని నర్సింగ్ కళాశాలను వాసిరెడ్డి పద్మ సందర్శించారు.