పురుటి నొప్పులతో బాధపడుతున్న మహిళ.. 108 అంబులెన్స్లోనే ప్రసవించింది. ఈ సంఘటన కృష్ణా జిల్లా మోపిదేవి మండంలో జరిగింది. నాగాయతిప్ప గ్రామానికి చెందిన విశ్వనాథపల్లి లావణ్య అనే మహిళకు నొప్పులు రావడంతో అంబులెన్స్కు సమాచారం ఇచ్చారు.
వారిని అవనిగడ్డ ఆస్పత్రికి తీసుకుని వెళుతుండగా మోపిదేవి దగ్గరే ఆమె ప్రసవించింది. ఎమర్జెన్సీ టెక్నీషియన్ సి.హెచ్. వెంకట నర్సయ్య డెలివరీ చేశారు. మగ బిడ్డకు జన్మనిచ్చిందని.. తల్లి, బిడ్డ క్షేమంగా ఉన్నారని సిబ్బంది తెలిపారు. వెంటనే తల్లీబిడ్డను అవనిగడ్డ ఏరియా ఆసుపత్రిలో చేర్పించినట్లు అంబులెన్స్ డ్రైవర్ సురేష్ బాబు చెప్పారు.