తెలంగాణ నుంచి మద్యం అక్రమ రవాణా...8 మంది అరెస్టు !

తెలంగాణ నుంచి అక్రమంగా తరలిస్తున్న మద్యం సీసాలను కృష్ణా జిల్లా మైలవరం వద్ద పోలీసులు పట్టుకున్నారు. ఎనిమిది మందిని అదుపులోకి తీసుకొని కేసులు నమోదు చేశారు.

కృష్ణా జిల్లా మైలవరం వద్ద పోలీసులు వాహన తనిఖీలు చేపట్టారు. తెలంగాణ నుంచి అక్రమంగా తరలిస్తున్న మద్యాన్ని పట్టుకున్నారు. 1030 మద్యం సీసాలను స్వాధీనం చేసుకొని ఎనిమిది మందిని అదుపులోకి తీసుకున్నారు. రెండు కార్లు, ఒక ఆటోను సీజ్ చేశారు. పట్టుపడిన మద్యం విలువ లక్ష రూపాయలు ఉంటుందని అధికారులు తెలిపారు. తెలంగాణలో మద్యం ధర తక్కువగా ఉండటంతో అక్రమ రవాణాకు పాల్పడుతున్నట్లు వెల్లడించారు.