'లేఖలో ఏం రాశారో కమిషనరే చెప్పాలి': జోగి రమేష్

రాష్ట్ర ఎన్నికల కమిషనర్ రమేష్ కుమార్ కేంద్ర హోంశాఖకు రాసిన లేఖపై వైకాపా ఎమ్మెల్యే జోగి రమేష్ స్పందించారు. కావాలనే అధికార పార్టీపై బురద చల్లే ప్రయత్నం చేస్తున్నారని ఆరోపించారు.

ఎన్నికల కమిషనర్​ రమేష్ కుమార్ పేరిట ఉన్న ఓ జీ మెయిల్ ఖాతా నుంచి హోంశాఖకు రాసిన లేఖ రాష్ట్ర ప్రభుత్వంపై ఫిర్యాదు చేసిన విధంగా ఉందని వైకాపా ఎమ్మెల్యే జోగి రమేష్ వ్యాఖ్యానించారు. కేంద్ర హోంశాఖకు లేఖ ఎవరు రాశారన్న అంశం తక్షణమే తేల్చాలని డిమాండ్ చేశారు. ఈ వ్యవహారంపై డీజీపీకి ఫిర్యాదు చేసి, కుట్ర వెనుక ఎవరున్నారనేది బయటపెడతామని అన్నారు. కొందరు కావాలనే రాష్ట్రప్రభుత్వంపై బురద జల్లే ప్రయత్నం చేస్తున్నారని ఆరోపించారు. లేఖలో రాసిన విషయాన్ని ఎన్నికల కమిషనరే బయట పెట్టాలని డిమాండ్​ చేశారు.

ఇదీ చదవండి: