గుడివాడలో కాపు సంఘం నేతలతో వంగవీటి రాధా భేటీ

కృష్ణా జిల్లా గుడివాడలోని కాపు సంఘం నేతలతో వంగవీటి రాధా సమావేశమయ్యారు. ఈ కార్యక్రమానికి పలు రాజకీయ పార్టీల నేతలు హాజరయ్యారు. గుడివాడలో రాధా వరుస సమావేశాలు నిర్వహించటం చర్చనీయంశమైంది.

కృష్ణాజిల్లా గుడివాడలోని ఆర్టీసీ కాలనీలో.. నియోజకవర్గ పరిధిలోని కాపు సంఘం ముఖ్య నేతలతో మాజీ ఎమ్మెల్యే వంగవీటి రాధాకృష్ణ సమావేశమయ్యారు. ఈ కార్యక్రమంలో కాపు సంఘం నేతలతో పాటు రాజకీయ పార్టీల నాయకులు పాల్గొన్నారు. వంగవీటి రాధాకృష్ణ గుడివాడలో తరచూ సమావేశం నిర్వహించటం.. వైకాపా నేతలు ఎక్కువగా హాజరవటం రాజకీయంగా చర్చనీయాంశంగా మారింది. ఈ విషయంపై రాధాను ప్రశ్నించగా.. మాట్లాడేందుకు ఇంకా చాలా సమయం ఉందంటూ వెళ్లిపోయారు.

రాధా సమావేశాల నేపథ్యంలో రాజకీయ చైతన్యం కలిగిన గుడివాడలో భవిష్యత్తులో ఏటువంటి రాజకీయ పరిణామాలు నెలకొంటాయోనన్న ఆసక్తి స్థానిక ప్రజల్లో నెలకొంది.

ఇదీ చదవండి