గవర్నర్​, సీఎస్​కు తితిదే వేద పండితుల ఆశీర్వచనం

గవర్నర్​ బిశ్వభూషణ్​, ప్రభుత్వ ప్రధాన కార్యదర్శి ఆదిత్యనాథ్ దాస్​కు తితిదే వేద పండితులు స్వామి వారి ఆశీర్వచనం అందించారు. వివిధ శాఖల ఉన్నతాధికారులు సీఎస్​కు నూతన సంవత్సర శుభాకాంక్షలు తెలిపారు.

ప్రభుత్వ ప్రధాన కార్యదర్శి ఆదిత్యనాథ్ దాస్​కు తిరుమల తిరుపతి దేవస్థానం వేద పండితులు స్వామి వారి ఆశీర్వచనం అందించారు. సచివాలయం మెుదటి బ్లాకులోని సీఎస్ ఛాంబర్​లో టీటీడీ వేద పండితులు... ప్రభుత్వ ప్రధాన కార్యదర్శిగా నూతనంగా బాధ్యతలు చేపట్టిన ఆదిత్యనాథ్ దాస్​కు స్వామి తీర్థ ప్రసాదాలు అందించి.. ఆశీర్వచనం పలికారు.

రెవెన్యూశాఖ ప్రత్యేక ప్రధాన కార్యదర్శి రజత్ భార్గవ, రాష్ట్ర ముఖ్య ఎన్నికల అధికారి, రాష్ట్ర పంచాయతీరాజ్ గ్రామీణాభివృద్ధి శాఖ ముఖ్య కార్యదర్శి గోపాలకృష్ణ ద్వివేది.. ఇతర ఉన్నతాధికారులు సీఎస్​కు నూతన సంవత్సల శుభాకాంక్షలు తెలిపారు.

గవర్నర్​కు ఆశీర్వాదం:

నూతన సంవత్సరం సందర్భంగా రాజ్‌భవన్‌లో గవర్నర్‌ బిశ్వభూషణ్‌ హరిచందన్‌ను తిరుమల తిరుపతి దేవస్థానం పండితులు వేద మంత్రోచ్ఛారణతో ఆశీర్వదించి, ప్రసాదాలు అందజేశారు. తితిదే ఛైర్మన్‌ వైవీ సుబ్బారెడ్డి తదితరులు గవర్నర్‌కు శుభాకాంక్షలు తెలిపారు.

ఇదీ చదవండి:సీఎంను కలిసి శుభాకాంక్షలు తెలిపిన పలువురు ప్రముఖులు