IAS TRANSFERS: రాష్ట్రంలో ఐఏఎస్ అధికారుల బదిలీ

17:12 July 26

ఐఏఎస్ అధికారుల బదిలీ

 రాష్ట్రంలో కొందరు ఐఎఎస్ అధికారుల బదిలీల్లో స్వల్పంగా మార్పులు చేస్తూ ప్రభుత్వం ఉత్తర్వులు జారీ చేసింది. చిత్తూరు జిల్లా జాయింట్ కలెక్టర్​గా బదిలీ అయిన స్వప్నిల్ దినకర్​ను కాకినాడ మున్సిపల్ కమిషనర్​గా ఉంచుతూ ఆదేశాలు జారీ చేసింది. సెర్ప్ సీఈఓ రాజబాబును చిత్తూరు జిల్లా జేసీగా బదిలీ చేశారు. మైనారిటీ సంక్షేమశాఖ ప్రత్యేక కార్యదర్శిగా ఉన్న ఎ.ఎండీ ఇంతియాజ్​ను సెర్స్ సీఈఓగా బదిలీ చేస్తూ ఉత్తర్వులు జారీ అయ్యాయి. సీసీఎల్ఏలో అప్పీల్స్ డైరెక్టర్​గా ఉన్న అదనపు బాధ్యతల నుంచి కూడా ఆయన్ను రిలీవ్ చేస్తున్నట్టు ప్రభుత్వం స్పష్టం చేసింది. 

పోస్టింగ్ కోసం వెయిటింగ్​లో ఉన్న గంధం చంద్రుడును మైనారిటీ సంక్షేమశాఖ ప్రత్యేక కార్యదర్శిగా నియమించారు. పశ్చిమగోదావరి జిల్లా జేసీగా బదిలీ అయిన సుమిత్ కుమార్​ను తిరిగి శ్రీకాకుళం జేసీగానే నియమిస్తూ ప్రభుత్వం ఉత్తర్వులు జారీ చేసింది. రాష్ట్ర చేనేత కార్మికల సహకార సొసైటీ వీసీఎండీగా బదిలీ అయిన బీఆర్ అంబేడ్కర్​ను పశ్చిమగోదావరి జిల్లా జేసీగా నియమిస్తూ ఉత్తర్వులు ఇచ్చారు. 

 

ఇదీ చూడండి.