Traffic jam is caused by the young people: వారంతా ఆకతాయిలు.. చేతిలో బైకులున్నాయి.. ఆకాశమే హద్దుగా ద్విచక్ర వాహనాలను నడుపుతూ పాదచారులకు, రహదారిపై ప్రయాణికులకు ఇబ్బందులు కలిగేలా చేస్తున్నారు. కృష్ణా జిల్లా గన్నవరంలో ఆకతాయిలు.. ద్విచక్ర వాహనాలతో చెన్నై-కోల్కతా జాతీయ రహదారి, వీధుల్లో వీరంగం సృష్టించారు. దావాజీగూడెం హైస్కూల్ వద్ద మాటామాటా పెరిగి వివాదం చోటు చేసుకుంది. నడిరోడ్డుపై పరస్పరం దాడులకు దిగడంతో స్థానికులు భయాందోళనకు గురయ్యారు. పోలీసుల పర్యవేక్షణ కొరవడటంతోనే యువకులు రెచ్చిపోతున్నారని స్థానికులు ఆరోపించారు. బీబీగూడెం, సూరంపల్లిలో యథేచ్ఛగా పేకాట, కోడిపందేలు నిర్వహిస్తున్నారని, గత కొంత కాలంగా అసాంఘిక కార్యకలాపాలకు గన్నవరం అడ్డాగా మారిందని స్థానికులు విమర్శిస్తున్నారు.
కృష్ణా జిల్లా గన్నవరంలో ఆకతాయిల హల్చల్