కృష్ణా జిల్లాలోని మోపిదేవి, చల్లపల్లి, కోడూరు మండలాల్లో 3 రోజులు పూర్తి లాక్డౌన్ విధిస్తున్నట్లు తహసీల్దార్లు తెలిపారు. మోపిదేవి మండలంలో 6 ,7, 8 తేదీల్లో ఉదయం ఆరు గంటల నుంచి ఎనిమిది గంటల వరకు మాత్రమే షాపులకు అనుమతి ఉందని.. మిగతా సమయాలలో సంపూర్ణ లాక్ డౌన్ పెడుతున్నామని మోపిదేవి తహసీల్దార్ కలిదిండి మస్తాన్ స్పష్టం చేశారు.
కృష్ణా జిల్లాలోని ఆ మండలాల్లో మూడు రోజులు లాక్డౌన్ - చల్లపల్లిలో లాక్డౌన్
కృష్ణా జిల్లాలోని పలు మండల్లాలో మూడు రోజులు పూర్తి లాక్డౌన్ విధిస్తున్నట్లు ఆయా మండలాల తహసీల్దార్లు ప్రకటించారు. కరోనా వ్యాప్తి దృష్ట్యా ఈ నిర్ణయం తీసుకున్నట్లు స్పష్టం చేశారు.
లాక్డౌన్ ప్రకటన
కోడూరు మండలంలో 8, 9, 10 తేదీల్లో పూర్తిస్థాయి లాక్డౌన్ విధిస్తున్నట్లు తహసీల్దార్ లతీఫ్ పాషా తెలిపారు. చల్లపల్లి మండలంలో 7, 8, 9 తేదీల్లో పూర్తి లాక్డౌన్ విధిస్తున్నట్లు తహసీల్దార్ కే.స్వర్ణమేరి ప్రకటించారు. ఈ మూడు రోజులు పాలు, మెడికల్, పెట్రోల్ బంక్, వైద్యశాలలు మినహా ఏ విధమైన వ్యాపార దుకాణాలు, వాణిజ్య సంస్థలు తెరిచి ఉంచకూడదని స్పష్టం చేశారు. ప్రజలు తమకు అవసరమైన కిరాణా సరుకులు, కూరగాయలు ఇతర వస్తువులన్నీ ముందుగానే కొనుగోలు చేసుకోవాలని సూచించారు.
ఇదీ చదవండి