ప్రభుత్వానికి పోలీసులు ప్రైవేట్ సైన్యమా?: బొండా ఉమ

ప్రభుత్వానికి ప్రైవేట్ సైన్యంలా పనిచేస్తున్నారని మాజీ ఎమ్మెల్యే తెదేపా సీనియర్ నేత బోండా ఉమామహేశ్వరరావు పోలీసుల తీరుపై ధ్వజమెత్తారు. దమ్మాలపాటి బావమరిది బిల్డర్ అయితే, ఆయనకు సంబంధించిన ఫ్లాట్స్ వ్యవహారంలో సీనియర్ న్యాయవాదిపై కేసులు పెట్టడం ఏమిటని నిలదీశారు. కోర్టులో తేల్చుకోవాల్సిన సివిల్ వివాదాల్లో పోలీసులు జోక్యమేంటిని ప్రశ్నించారు.

ప్రభుత్వానికి పోలీసులు ప్రైవేట్ సైన్యంలా వ్యవహరిస్తున్నారని తెదేపా సీనియర్ నేత బొండా ఉమామహేశ్వరరావు మండిపడ్డారు. రియల్ ఎస్టేట్ అంశంలో సీనియర్ న్యాయవాదిపై కేసులు పెట్టడాన్ని ఆయన ఖండించారు. కోర్టులో తేల్చుకోవాల్సిన సివిల్ వివాదాల్లో పోలీసుల ప్రమేయం ఏమిటని నిలదీశారు.

పూటకో దారుణం.. రోజుకో దాడి

రాష్ట్రంలో దళితులపై పూటకొక దారుణం, రోజుకొక దాడి జరుగుతుంటే పోలీసులు ఏం చేస్తున్నారని ఆగ్రహం వ్యక్తం చేశారు. తిరుపతిలో అన్యమత ప్రచారం జరుగుతున్నా, డిక్లరేషన్​లో సంతకాలు పెట్టకపోయినా చర్యలు తీసుకోకపోవడాన్ని ఉమ ఖండించారు.

చర్యలు చేపట్టిన దాఖలాలే లేవు..

హిందూ దేవాలయాలపై దాడులు చేసిన వారిని అరెస్ట్ చేసిన దాఖలాలు లేవని ఎద్దేవా చేశారు. ప్రభుత్వం చెప్పింది కదా అని పోలీసులు ఎస్సీలు, హిందువులు, ప్రతిపక్షనేతలపై తప్పుడు కేసులు పెడుతున్నారని బోండా ఆగ్రహం వ్యక్తం చేశారు.

ఇవీ చూడండి:

త్వరలో నాపై దాడి జరగబోతోంది: రఘురామకృష్ణరాజు