విజయవాడ గ్రామీణం నున్నలో బ్లాక్ ఫంగస్‌తో వృద్ధుడు మృతి చెందాడు. 64 ఏళ్ల చింతా వెంకటేశ్వరరావు.. కొన్ని రోజుల క్రితం కరోనా బారిన పడ్డారు. హోమ్ ఐసోలేషన్‌లో ఉంటూ చికిత్స పొందిన ఆయన.. కరోనా లక్షణాలు తగ్గిన తర్వాత శ్వాస తీసుకోవడంలో ఇబ్బందులు పడ్డారు.
వెంటనే ఆయన్ను ఓ ప్రైవేట్ ఆసుపత్రికి తరలించగా.. బ్లాక్ ఫంగస్ లక్షణాలు ఉన్నట్లు వైద్యులు గుర్తించారు. ఎంత ప్రయత్నించినా బ్లాక్ ఫంగస్‌కు వినియోగించే ఇంజెక్షన్ దొరకలేదని.. అందుకే వెంకటేశ్వరరావు మృతి చెందారని కుటుంబసభ్యులు ఆవేదన వ్యక్తంచేశారు.