వెంటనే తాగునీటిని విడుదల చేయాలి: తెలుగు యువత

నిర్మాణం పూర్తి చేసుకుని ప్రారంభానికి సిద్ధంగా ఉన్న తాగునీటి పథకాన్ని వెంటనే ప్రారంభించి నీటిని విడుదల చేయాలని జగ్గయ్యపేట తెలుగు యువత డిమాండ్​ చేసింది. తెలుగు యవత ఆధ్వర్యంలో... ముత్యాల నుంచి జగ్గయ్యపేటకు పాదయాత్ర చేపట్టారు.

కృష్ణా జిల్లా జగ్గయ్యపేట ప్రజలకు కృష్ణా జలాలు అందించాలని జగ్గయ్యపేట తెలుగు యువత డిమాండ్​ చేసింది. గత ప్రభుత్వ హయాంలో పనులు పూర్తి చేసుకుని ప్రారంభానికి సిద్దంగా ఉన్న ప్రాజెక్టు నుంచి తాగునీటిని విడుదల చేయాలన్నారు. ఈ మేరకు యువత ఆధ్వర్యంలో.. ముత్యాల నుంచి జగ్గయ్యపేట వరకు పాదయాత్ర చేశారు.

పాదయాత్ర ముగింపు అనంతరం స్థానిక మున్సిపల్ కూడలిలో సభ నిర్వహించారు. ఈ కార్యక్రమంలో మాజీ మంత్రి నెట్టెం రఘురాం, మాజీ ఎమ్మెల్యే శ్రీరాం తాతయ్య పాల్గొన్నారు. ఈ సందర్భంగా ముత్యాల పథకంతో పాటు గత ప్రభుత్వం తలపెట్టిన పలు అభివృద్ధి పనులను వివరించారు.

ఇది చూడండి:కృష్ణా నదికి పెరుగుతున్న ప్రవాహ ఉద్ధృతి