ఇబ్రహీంపట్నంలో 1,114 బాటిళ్ల తెలంగాణ మద్యం పట్టివేత

అక్రమ మద్యం, ఇసుక అక్రమ రవాణా నియంత్రణకు విజయవాడ నరగంలో వివిధ ప్రాంతాలలో స్పెషల్ డ్రైవ్​ను నిర్వహించారు. ఇబ్రహీంపట్నంలో జరిపిన తనిఖీలలో 1,114 బాటిళ్ల తెలంగాణ మద్యంను పట్టుకున్నారు.

అక్రమ మద్యం, ఇసుక అక్రమ రవాణా నియంత్రణకు విజయవాడ నరగంలో వివిధ ప్రాంతాలలో స్పెషల్ డ్రైవ్​ను నిర్వహించారు. నగరంలోని ఇబ్రహీంపట్నంలో ఎన్​ఫోర్స్​మెంట్ బ్యూరో స్పెషల్ అధికారి ఎం. సత్తిబాబు ఆధ్వర్యంలో తనిఖీలు జరిపారు. అక్రమంగా తరలిస్తున్న 1,114 బాటిళ్ల తెలంగాణ మద్యంను పట్టుకున్నారు.

పదిమంది నిందితులను అదుపులోకి తీసుకుని..11 సెల్​ఫోన్లు, మూడు కార్లు, ఒకలారీ స్వాధీనం చేసుకున్నారు. పట్టుబడ్డ వ్యక్తులు యూట్యూబ్ ఛానల్​లో పని చేస్తున్నారని పోలీసులు తెలిపారు. ఈ దాడులలో ప్రధాన నిందితులు ముగ్గురు పరారీలో ఉన్నారు. ఈ సోదాలలో ఎస్​ఈబీ అధికారులు హనీష్, జి. శ్రీనివాస్, సుబ్రహ్మణ్యం, గురుప్రకాష్​ , భరత్, రవి ఇతర సిబ్బంది పాల్గొన్నారు.

ఇదీ చూడండి.అయోధ్యలో ఎలుకల గండం.. 'ఏం చేస్తే పోతాయి?'