ముస్లిం సోదర, సోదరీమణులకు తెలుగుదేశం అధినేత చంద్రబాబు, ఆ పార్టీ జాతీయ ప్రధాన కార్యదర్శి నారా లోకేశ్ రంజాన్ పండుగ పర్వదిన శుభాకాంక్షలు తెలిపారు. క్రమశిక్షణ, దాతృత్వం, ధార్మిక చింతనల కలయికే పవిత్ర 'రంజాన్ మాసం' అని చంద్రబాబు కీర్తించారు. ఈ పుణ్యమాసంలో అత్యంత నిష్టగా ఉపవాస దీక్షను ముగించుకుని పండుగ జరుపుకుంటున్న ముస్లింలందరికీ ఈద్ ముబారక్‌ తెలియజేశారు. కరోనా నుంచి మానవాళిని రక్షించాలని అల్లాను వేడుకుందామని పిలుపునిచ్చారు. సేవా దృక్పథం, సోదరభావానికి చిహ్నంగా నిలిచే రంజాన్ సందర్భంగా ఇంటిల్లిపాదికీ శుభాలను, ఆనందాలను పంచివ్వాలని చంద్రబాబు ఆకాక్షించారు.
క్రమశిక్షణ, సేవాగుణం, సౌభ్రాతృత్వం కోసం..