విజయవాడ కనకదుర్గమ్మ ఆలయంలో వెండితో తాపడం చేసిన మూడు సింహాల ప్రతిమలు చోరీకి గురయ్యాయని తెదేపా ఎమ్మెల్సీ బుద్దా వెంకన్న అన్నారు. ఇందుకు సంబంధించిన ఫొటోలను ఆయన విడుదల చేశారు. వైకాపా అధికారంలోకి వచ్చాక... రాష్ట్రంలో దేవాలయాలకు భద్రత లేకుండా పోయిందని విమర్శించారు.
దేవాదాయ భూముల ఆక్రమణలు, రథాలకు నిప్పు, విగ్రహాల ధ్వంసం, వెండి తాపడాల మాయం.. ఇలా రోజుకో దాడికి పాల్పడుతున్నారని ఆగ్రహం వ్యక్తం చేశారు. ఈ ఘటనలపై ముఖ్యమంత్రి జగన్మోహన్ రెడ్డి చర్యలు తీసుకోవాలని డిమాండ్ చేశారు. 15 నెలలుగా రాష్ట్రవ్యాప్తంగా దేవాలయాల్లో జరిగిన దాడులపై సీబీఐ విచారణ జరిపించాలని కోరారు.