వైకాపా రంగులు వేసి గుంటూరు పోలీసులకు పంపిణీ చేసిన వాహనాలు ప్రభుత్వానివా? లేక పులివెందులలో పంచాయితీ చేసి తీసుకొచ్చారా? అని తెదేపా అధికార ప్రతినిధి దివ్యవాణి నిలదీశారు. పోలీసు వాహనాలకు కూడా పార్టీ రంగులు వేయటం ఎంతవరకు సమంజసమని ప్రజలు ప్రశ్నిస్తున్నారన్నారు. తక్షణమే వేసిన రంగులను తొలగించి చట్టాన్ని గౌరవించాలని డీజీపీని కోరారు.
పాలన చేతకాని ముఖ్యమంత్రి జగన్కు రంగుల పిచ్చి పట్టుకుందని ఎద్దేవా చేశారు. దురాగతాలను మార్చుకోకుంటే ప్రజలే వైకాపాకు రంగు పూస్తారని హెచ్చరించారు.