'వలస కూలీలను ఆదుకోవడంలో ప్రభుత్వం విఫలం'

ఉపాధి కోల్పోయిన వలస కూలీలను ఆదుకోవడంలో ప్రభుత్వం విఫలమైందని మాజీ మంత్రి చినరాజప్ప ఆరోపించారు. వందల కిలోమీటర్లు నడిచి వళ్లే కూలీలపై లాఠీచార్జ్ చేయడం దారుణమన్నారు.

లాక్​డౌన్​తో తీవ్రంగా సతమవుతున్న వలస కార్మికుల పై సరైన రీతిలో ఏపీ ప్రభుత్వం స్పందించలేదని మాజీమంత్రి నిమ్మకాయల చినరాజప్ప దుయ్యబట్టారు. వలస కార్మికుల పై సీఎం నివాసానికి దగ్గర్లోనే తాడేపల్లిలో పోలీసులు లాఠీఛార్జి చేయడం దారుణమన్నారు. వందల కిలోమీటర్లు నడిచివెళ్లే వలస కూలీలను ఈ ప్రభుత్వం గాలికొదిలేసిందని ధ్వజమెత్తారు. వెంటనే వలస కూలీలను వారి స్వగ్రామాలకు పంపే చర్యలుపై దృష్టి పెట్టాలన్నారు. వారికి భోజన, వసతి ఏర్పాట్లు ఎక్కడికక్కడే చేయాలని డిమాండ్ చేశారు.

ఇదీ చదవండి:లాక్‌డౌన్‌ సడలింపులపై మరోసారి ప్రభుత్వ ఆదేశాలు