సల్వీందర్కు ఎలక్ట్రానిక్ వస్తువులంటే మహా ఇష్టం. ఆ ఇష్టమే పాడైపోయిన బ్యాటరీలతో పవర్ బ్యాంక్ తయారు చేసేలా చేసింది. ఆ ఆసక్తే... ఎలక్ట్రానిక్స్ అండ్ కమ్యూనికేషన్ ఇంజనీరింగ్లో చేరేలా ప్రేరేపించింది. ఇస్రో శాస్త్రవేత్త కావాలనే లక్ష్యంతోనే ఇంజనీరింగ్ ఎంచుకున్న సల్వీందర్... ప్రస్తుతం ఇంజనీరింగ్ మొదటి సంవత్సరం చదువుతున్నాడు. పాడైపోయిన బ్యాటరీలతో పవర్ బ్యాంక్ చేసిన తర్వాత... సల్వీందర్ దృష్టి ఈ వ్యర్థాలపై పడింది. వాటిని తిరిగి ఎందుకు వినియోగించకూడదు అనుకున్నాడు. ఖాళీ సమాయాల్లో వాటిని సేకరించి... కొత్త ఆవిష్కరణలు చేయడం అలవాటుగా మార్చుకున్నాడు.
అలా చేసినవే ఈ బుల్లి మైక్రోవేవ్ ఓవెన్, చిట్టి వ్యాక్యూమ్ క్లీనర్. తనకు ఎదైనా ఆసక్తిగా అనిపిస్తే దాని గురించి పూర్తిగా తెలుసుకునే వరకు విశ్రమించడు సెల్వీందర్. ఈ బుల్లి మైక్రో వేవ్ ఓవన్ తయారీ కోసం సెల్వీందర్ 2నెలలు కష్టపడ్డాడు. ఈ సూక్ష్మ పరికరాన్ని ఇండియా బుక్ ఆఫ్ రికార్డ్స్ గుర్తించి సల్వీందర్ను గోల్డ్ మెడల్తో సత్కరించింది. ఈ రికార్డు ఆనందాన్ని ఆస్వాదించిన సల్వీందర్... ఇప్పుడు గిన్నీస్ బుక్ ఆఫ్ రికార్డు కోసం ప్రయత్నిస్తున్నాడు. ప్రపంచంలో అతి చిన్న వ్యాక్యూమ్ క్లీనర్ రూపొందించాడు. గిన్నీస్ బుక్ ఆఫ్ రికార్డుల్లో అతి చిన్న వ్యాక్యూమ్ క్లీనర్ గా 5.6 సెంటీమీటర్ల పరికరం ఉండగా...సల్వీందర్ 3.6సెంటీమీటర్లతో ఈ వ్యాక్యూమ్ క్లీనర్ సిద్ధం చేశాడు.