సీఎం జగన్ నాయకత్వంలో రాష్ట్రం అభివృద్ధి పథంలో పయనిస్తోంది: సోమినాయుడు

సీఎం జగన్ నాయకత్వంలో రాష్ట్రం అభివృద్ధి పథంలో ముందుకెళ్తోందని విజయవాడ దుర్గామల్లేశ్వరస్వామి దేవవస్థానం ఛైర్మన్ పైలా సోమినాయుడు అన్నారు. ముఖ్యమంత్రిగా జగన్మోహన్ రెడ్డి ప్రమాణ స్వీకారం చేసి రెండేళ్లు పూర్తయిన సందర్భంగా ప్రత్యేక పూజలు నిర్వహించారు.

ముఖ్యమంత్రిగా జగన్మోహన్​రెడ్డి ప్రమాణ స్వీకారం చేసి రెండేళ్లు పూర్తయిన సందర్భంగా.. విజయవాడ ఇంద్రకీలాద్రిపై ప్రత్యేక పూజలు నిర్వహించారు. దుర్గామల్లేశ్వరస్వామి దేవస్థానం ఛైర్మన్‌ పైలా సోమినాయుడు ఆధ్వర్యంలో ఈ కార్యక్రమం జరిగింది. సీఎం జగన్ నాయకత్వంలో రాష్ట్రం అభివృద్ధి పథంలో ముందుకెళ్తోందని సోమినాయుడు అన్నారు. మరో 30 ఏళ్లూ జగన్... ముఖ్యమంత్రిగా ఉండాలని ఆకాంక్షించారు. కరోనా మహమ్మారి నుంచి త్వరగా బయటపడి సాధారణ స్థితి నెలకొనాలని ప్రార్థించారు.