కృష్ణా జిల్లా కంచికచర్ల మండలం పెరకలపాడు సమీపంలో జాతీయ రహదారిపై గుర్తుతెలియని వాహనం బైకును ఢీకొన్న ఘటనలో ఒక మహిళ అక్కడికక్కడే మృతి చెందింది. ఘటనలో మరో వ్యక్తికి తీవ్రగాయాలు కాగా.. నందిగామ ప్రభుత్వ ఆసుపత్రికి తరలించారు.
నూతన సంవత్సర వేడుకలకు నందిగామలోని బంధువుల ఇంటికి వచ్చి ఈరోజు నందిగామ నుండి విజయవాడ వెళ్తుండగా ప్రమాదం జరిగిందని పోలీసులు తెలిపారు. మృతి చెందిన మహిళను వేమన సుశీలగా గుర్తించారు. పోలీసులు కేసు నమోదు చేసి వివరాలు సేకరిస్తున్నారు.