జిల్లావ్యాప్తంగా 71వ గణతంత్ర వేడుకలను ఘనంగా నిర్వహించారు. ప్రభుత్వ కార్యాలయాల్లో, పాఠశాలల్లో జెండా వందనం చేశారు. వివిధ సాంస్కృతిక ప్రదర్శనలతో విద్యార్థులు అలరించారు.
మచిలీపట్నంలో ఆకట్టుకున్న శకటాల ప్రదర్శన...
మచిలీపట్నంలో గణతంత్ర దినోత్సవం ఘనంగా నిర్వహించారు. జిల్లా కలెక్టర్ ఇంతియాజ్, జాయింట్ కలెక్టర్ మాధవిలత పలువురు అధికారులు పాల్గొన్నారు. పోలీసు పరేడ్ మైదానంలో గౌరవ వందనం స్వీకరించిన కలెక్టర్ జాతీయ జెండాను ఆవిష్కరించారు. వివిధ విభాగాల్లో సాధించిన ప్రగతిని తెలియజేస్తూ... శకటాల ప్రదర్శన, విద్యార్థుల సాంస్కృతిక ప్రదర్శనలు అలరించాయి.
అవనిగడ్డలో జాతీయపతాకం ఆవిష్కరణ...
71వ గణతంత్ర దినోత్సవం సందర్భంగా అవనిగడ్డ నియోజకవర్గంలో పలుచోట్ల జాతీయ పతాకం ఆవిష్కరణ కార్యక్రమాలు ఘనంగా నిర్వహించారు.
కళ్లజోళ్ల పంపిణీ...
గణతంత్ర దినోత్సవాన్ని పురస్కరించుకొని గన్నవరం మండలం బుధవారంలోని కేర్ అండ్ షేర్ అనాధ బాలల పునరావాస కేంద్రంలో ఉచిత కంటి పరీక్షలు చేశారు. అనంతరం కళ్ళజోళ్లు పంపిణీ చేశారు. విజయవాడకు చెందిన శ్రీదేవి కంటి ఆసుపత్రి ఆధ్వర్యంలో వైద్యులు చక్రవర్తి పర్యవేక్షణలో 650 మంది వివిధ ప్రభుత్వ బడుల్లోని విద్యార్థులకు పరీక్షలు నిర్వహించారు. సుమారు 100 మందికి దృష్టి లోపాలు ఉన్నట్లు గుర్తించారు.