సింధుతో పాటు.. క్రీడాకారులకు గవర్నర్ ఘన సన్మానం

బ్యాడ్మింటన్ క్రీడాకారులు పీవీ సింధు, సాత్విక్ సాయిరాజ్, మహిళల హాకీ జట్టు సభ్యురాలు రజనిలను గవర్నర్ బిశ్వభూషణ్ హరిచందన్ సన్మానించారు. రాబోయే రోజుల్లో మరిన్ని పతకాలు సాధించాలని కోరారు. అనంతరం డీజీపీ గౌతం సవాంగ్​ను పీవీ.సింధు కలిశారు.

టోక్యో ఒలింపిక్స్​లో కాంస్య పతకం సాధించిన బ్యాడ్మింటన్ స్టార్ పి.వి. సింధు, మహిళల హాకీ జట్టు సభ్యురాలు రజని, బ్యాడ్మింటన్ డబుల్స్ క్రీడాకారుడు సాత్విక్ సాయిరాజులు గవర్నర్​ను కలిశారు. విజయవాడలోని రాజ్ భవన్​లో గవర్నర్ బిశ్వభూషణ్ హరిచందన్​తో మర్యాదపూర్వకంగా భేటీ అయ్యారు.

అనంతరం ముగ్గురు క్రీడాకారులను గవర్నర్ ఘనంగా సత్కరించారు. సింధు గెలిచిన పతకాన్ని వీక్షించారు. రాబోయే రోజుల్లో మరిన్ని పతకాలు సాధించాలని గవర్నర్ హరిచందన్ కోరారు. అంతకుముందు హైదరాబాద్ నుంచి ప్రత్యేక విమానంలో గన్నవరం చేరుకున్న సింధుకు.. క్రీడాభిమానులు, అధికారులు ఘన స్వాగతం పలికారు.

విజయవాడలో డీజీపీ గౌతం సవాంగ్‌ను పీవీ సింధు కలిశారు. ఒలింపిక్స్‌లో కాంస్యం గెలిచిన సింధును డీజీపీ, అధికారులు సత్కరించారు. సింధు విజయం యువత, మహిళలకు ప్రేరణ, స్ఫూర్తి కలిగించిందని డీజీపీ అన్నారు. మహిళల కోసం ప్రభుత్వం, పోలీసుశాఖ చేస్తున్న కృషిని సింధు అభినందించారు. ప్రతి మహిళ దిశ యాప్‌ డౌన్‌లోడ్‌ చేసుకోవాలని కోరారు.

ఇదీ చదవండి: