గర్భిణీ అనుమానాస్పద మృతి..అత్తింటివారిపై అనుమానం!

మచిలీపట్నానికి చెందిన 8 నెలల గర్భిణీ మరణం బంధువులను కలిచివేసింది. అదనపు కట్నం కోసం అత్తింటి వారు వేధిస్తుండేవారని మృతురాలి బంధువులు ఆరోపిస్తున్నారు. భర్త, అత్త, మామలే హత్య చేసి ఆత్మహత్యగా చిత్రీకరిస్తున్నారని స్థానిక పోలీసు స్టేషన్​లో ఫిర్యాదు చేశారు.

కృష్ణా జిల్లా మచిలీపట్నంలో 8 నెలల నిండు గర్భిణీ అనుమానాస్పద స్థితిలో మృతి చెందింది. పోలీసులు అందించిన సమాచారం ప్రకారం...బందరుకోటకు చెందిన భార్గవికి ఏడాది క్రితం ఫణి రాజశేఖర్​తో వివాహం జరిగింది. భార్గవి మచిలీపట్నం ఆంధ్ర హాస్పటల్​లో స్టాఫ్ నర్స్​గా పని చేస్తోంది. భర్త ఫణి అదనపు కట్నం కోసం భార్గవిని వేధిస్తుండేవారని బంధువులు ఆరోపించారు. ఈ తెల్లవారు జామున ఫ్యానుకు ఉరి వేసుకుని చనిపోయిందని ఫణి కుటుంబసభ్యులు తెలిపారు. భార్గవిని అత్తింటి వారే హత్యచేసి ఆత్మహత్యగా చిత్రీకరిస్తున్నారని భార్గవి బంధువులు చెప్పారు. పోలీసులు అనుమానాస్పద మృతిగా కేసు నమోదు చేసి దర్యాప్తు చేస్తున్నారు.

ఇదీ చదవండి :ఆ ముగ్గురి కృషిని ప్రజలు గుర్తించారు: కేశినేని నాని