నందిగామలో భారీ ఎత్తున నగదు స్వాధీనం

ద్విచక్రవానంపై ఒకరు, బస్సులో సామాన్య ప్రయాణికుడిలా ఒకరు... ఎటువంటి బిల్లులు లేకుండా లక్షల్లో డబ్బును సరఫరా చేస్తున్నారు. చివరికి పోలీసులకు చిక్కటంతో కటకటాలపాలయ్యారు ఇప్పుడు. ఈ ఘటన కృష్ణా జిల్లా నందిగామలో జరిగింది.

స్థానిక ఎన్నికల సందర్భంగా పెద్ద ఎత్తున నగదు సరఫరా అవుతుంది. ఇటువంటి వాటిని అడ్డుకునేందుకు పోలీసులు వాహన తనిఖీలు చేపట్టారు. కృష్ణా జిల్లా నందిగామ మండలం కొణతమాత్మకూరు చెక్​పోస్ట్ వద్ద పోలీసులు ఎటువంటి బిల్లులు లేకుండా లక్షా 79 వేల నగదును ఓ ద్విచక్రవాహనదారుడి వద్ద నుంచి స్వాధీనం చేసుకున్నారు. నిందితుడిని అరెస్టు చేసి, నగదు ఎక్కడ నుంచి ఎక్కడకు చేరవేస్తున్నారనే అంశాలపై ఆరా తీస్తున్నారు.

కంచికర్లలో సామాన్య ప్రయాణికుడిలా:

కంచికర్ల మండలం కీసర టోల్​గేట్​ వద్ద జగ్గయ్యపేట నుంచి విజయవాడ వెళ్తున్న బస్సులో 45 లక్షల రూపాయలను పోలీసులు స్వాధీనం చేసుకున్నారు. సామాన్య ప్రయాణికుడిలా భారీ మెుత్తంలో నగదను తరలిస్తున్న వ్యక్తి ఎటువంటి బిల్లులు చూపించకపోవటంతో కంచికర్ల పోలీస్​ స్టేషన్​కు తరలించారు.

ఇదీ చదవండి:తలమంచిపట్నంలో బిల్లులు లేని 4 లక్షల 80 వేల నగదు స్వాధీనం