థియేటర్లలో సౌకర్యాలపై తనిఖీలు.. బొమ్మరిల్లు మినీ థియేటర్ సీజ్!

సినిమా థియేటర్లలో సౌకర్యాలపై కృష్ణా జిల్లా గుడివాడలో రెవెన్యూ, పోలీసు అధికారులు తనిఖీలు నిర్వహించారు. నిబంధనలు ఉల్లంఘించారంటూ పట్టణంలోని ఓ థియేటర్​ను సీజ్ చేశారు.

కృష్ణా జిల్లా గుడివాడలోని సినిమా థియేటర్లలో రెవిన్యూ, పోలీస్ సిబ్బంది తనిఖీలు నిర్వహించారు. ప్రభుత్వం నూతనంగా విడుదల చేసిన జీఓ ప్రకారం ఆర్డీఓ శ్రీను కుమార్ ఆధ్వర్యంలో థియేటర్లలో సౌకర్యాలపై ఆరా తీశారు. ఇప్పటికే పట్టణంలోని తొమ్మిది థియేటర్​లను తనిఖీ చేసిన బృందం.. సౌకర్యాలపై యజమానులకు పలు సూచనలు చేశారు. తాజాగా పట్టణంలో ఏలూరు రోడ్డులో బొమ్మరిల్లు మినీ థియేటర్​ను సోదా చేసి పలు నిబంధనలు ఉల్లంఘించారంటూ సీజ్ చేశారు. ఈ తనిఖీల్లో ఎమ్మార్వో శ్రీనివాసరావు, పోలీస్ సిబ్బంది తదితరులు పాల్గొన్నారు.

ఇదీ చూడండి:చలి చంపుతున్న వేళల్లో.. పర్యాటకులందరూ మన్యంలో..!