కృష్ణా జిల్లా గుడివాడ మండలం మోటూరు తీట్ల వారి వీధిలో అర్ధరాత్రి అగ్ని ప్రమాదం జరిగింది. దారం వీరమ్మ రేకుల షెడ్డులో విద్యుత్ షార్ట్ సర్క్యూట్ అవటం వలన మంటలు చేలరేగాయి. ఆ మంటలకు ఇంట్లో ఉన్న గ్యాస్ బండ పెద్ద శబ్ధంతో పేలి.. ఇళ్లు పూర్తిగా కాలిపోయింది.
ఆమె వారి బంధువుల ఇంట్లో పడుకొవటానికి వెళ్లింది. మంటలు పక్కనే ఉన్న పాము నాగేశ్వరమ్మ ఇంటికి అంటుకోవడంతో ఆమెది తాటాకుల ఇళ్లు పూర్తిగా కాలిపోయింది. ఆ ఇంట్లో నిద్రించిన నాగేశ్వరమ్మ బయట కేకలు విని వచ్చి చూసేసరికి పక్కనే ఉన్న తీట్ల రంగమ్మ ఇంటికి కూడా మంటలు అంటుకుని పూర్తిగా కాలిపోయింది. తీట్ల బాలకు చెందిన గడ్డివాము పూర్తిగా దగ్ధమైంది. ఈ ప్రమాదంలో ఏ విధమైన ప్రాణనష్టం జరగలేదని అధికారులు తెలిపారు. సకాలంలో గుడివాడ నుంచి ఫైర్ ఇంజన్ సిబ్బంది వచ్చి మంటలను అదుపులోకి తెచ్చారు.