పెడన ఎమ్మెల్యే జోగి రమేశ్ జుంబా డాన్స్‌ ..కేరింతలు కొట్టిన యువత
ఫిట్‌నెస్పై యువత ఆసక్తి పెంచుకోవాలని వైకాపా ఎమ్మెల్యే జోగి రమేశ్ అన్నారు. విజయవాడ శివారు ఇబ్రహీంపట్నంలో ఏర్పాటు చేసిన జుంబా డే ఈవెంట్‌ కార్యక్రమానికి... సినీ నటుడు సంపూర్ణేష్ బాబుతో కలసి ముఖ్య అతిథిగా హాజరయ్యారు. తేజాస్ ఎలైట్ సంస్థ ఆధ్వర్యంలో ఏర్పాటు చేసిన ఈ కార్యక్రమంలో.. యువతను ఉత్సాహపరిచేందుకు సంపూర్ణేష్ బాబు కలసి జుంబా డాన్స్‌ చేశారు. మరిన్ని హెల్త్‌ ఫిట్నెస్ కార్యక్రమాలు నిర్వహించాలని కోరారు. ప్రజలకు నూతన సంవత్సర, సంక్రాంతి శుభాకాంక్షలు తెలిపారు.