విజయవాడ
వకీల్ సాబ్ సినిమా ఈ రోజు రిలీజ్ కావడంతో.. విజయవాడలో థియేటర్ల వద్ద పవన్ కల్యాణ్ అభిమానులు సందడి చేస్తున్నారు. థియేటర్ బయట పవన్ కల్యాణ్ సీఎం అంటూ అభిమానులు నినాదాలు చేశారు. కరోనా లాక్ డౌన్ తరువాత ఎక్కువ సంఖ్యలో ప్రేక్షకులు వచ్చింది ఈ సినిమాకే అని టికెట్ కౌంటర్ తెరచిన 30 నిమిషాల్లోనే టికెట్లు అన్నీ అమ్ముడుపోయాయని తెలిపారు.
రాజోలు
తూర్పుగోదావరి జిల్లా రాజోలు నియోజకవర్గంలో తాటిపాక, మలికిపురం, లక్కవరం సినిమా థియేటర్ల వద్ద పవన్ అభిమానులు సందడి చేశారు. వకీల్ సాబ్ సినిమా విడుదల సందర్భంగా అధిక సంఖ్యలో పవన్ అభిమానులు రావడంతో.. తాటిపాకలో 216 జాతీయ రహదారి, మల్కిపురం, లక్కవరం ప్రధాన రహదారి భారీగా ట్రాఫిక్ నిలిచింది. దీంతో పోలీసులు చేరుకుని ట్రాఫిక్ నియంత్రించారు.
గాజువాక
విశాఖజిల్లా గాజువాక శ్రీకన్య థియేటర్లో అతిపెద్ద ప్లెక్సీని ప్రదర్శించారు. వకీల్ సాబ్ సినిమా విడుదల సందర్భంగా.. 106 అడుగుల పవన్ కల్యాణ్ ప్లెక్సీని ఏర్పాటు చేశారు. కర్రి నేతాజీ, పల్లా మనోజ్, పల్లా కిషోర్, బోయి సంతోష్ ఈ ఫ్లెక్సీని చేయించారు. దీనిని అతిపెద్ద క్రేన్ సాయంతో పైకి పెట్టి..పాలాభిషేకం చేశారు.
ఇదీ చూడండి.''వకీల్సాబ్'.. నా కెరీర్లో ఉత్తమ చిత్రం'