కృష్ణా జిల్లా నూజివీడు ప్రాంతానికి చెందిన హృద్రోగి సోమేశ్వరరావు అనే వ్యక్తి 10 రోజుల క్రితం విజయవాడలోని వైవీ రావు ఆసుపత్రిలో బైపాస్‌ శస్త్ర చికిత్స నిమిత్తం చేరారు. 3 రోజుల క్రితం శస్త్ర చికిత్స అనంతరం డిశ్చార్జి అయ్యారు. భోజనం చేస్తున్న సమయంలో ఇంట్లో స్పృహ తప్పి పడిపోయాడు. కుటుంబసభ్యులు వెంటనే 108లో నూజివీడులో ఆసుపత్రికి తరలించారు. వైద్యులు విజయవాడ తీసుకువెళ్లాలని సూచించగా మళ్లీ వైవీ రావు ఆసుపత్రికి తీసుకువచ్చారు.
ఈ క్రమంలో సోమేశ్వరరావు మృతిచెందాడు. వైద్యుల నిర్లక్ష్యం కారణంగానే చనిపోయారని ఆసుపత్రి ఎదుట బైఠాయించి బంధువులు నిరసన వ్యక్తం చేశారు. వైద్యులు పరిహారం చెల్లించాలని డిమాండ్‌ చేశారు. కృష్ణలంక పోలీసులు ఆసుపత్రి ప్రాంగణంలో బందోబస్తు నిర్వహించారు.