Parvathi Barrage : కాళేశ్వరం ఎత్తిపోతలతో నిండుకుండలా గోదావరి బ్యారేజీలు
తెలంగాణలోని పెద్దపల్లి జిల్లా మంథని మండలం గుంజపడుగు వద్ద నిర్మించిన సరస్వతి పంప్ హౌస్లో ఏడు మోటార్ల ద్వారా పార్వతి బ్యారేజ్లోని గోదావరి జలాలను ఎత్తిపోస్తున్నారు.
14 పైపుల ద్వారా పార్వతి బ్యారేజ్లోకి గోదారమ్మా !
గత నాలుగు రోజులుగా నీటి ఎత్తిపోతల ప్రక్రియ కొనసాగుతోంది. తొలుత రెండు మోటార్ల ద్వారా నీటిని ఎత్తిపోసి.. ప్రవాహం పెరిగే కొద్దీ విడతల వారీగా మూడు, ఐదు పంపుల ద్వారా నీటిని ఎత్తిపోశారు. తాజాగా ఆదివారం ఏడు మోటార్లను రన్చేస్తూ.. మొత్తం 14 పైపుల ద్వారా నీటిని పార్వతి బ్యారేజ్లోకి ఎత్తిపోస్తున్నారు.
గరిష్ఠ నీటి మట్టం 8.83 టీఎంసీలు..
పార్వతి బ్యారేజ్ పూర్తి సామర్థ్యం 8.83 టీఎంసీలు కాగా ప్రస్తుతం 5.518 టీఎంసీల నీరు నిల్వ ఉంది. ప్రస్తుతం 20 వేల క్యూసెక్కుల నీటిని పార్వతి బ్యారేజ్లోకి ఎత్తి పోస్తుండటంతో ప్రాజెక్టు నిండుకుండను తలపిస్తోంది.