కృష్ణాజిల్లాలోని గుడివాడ పట్టణంలో ఆపరేషన్ ముస్కాన్ తనిఖీలు జరిగాయి. బాలకార్మికులుగా పనిచేసే 28మందిని పోలీసులు గుర్తించారు. బడిఈడు పిల్లలతో పనులు చేయించే వ్యాపారులపై చర్యలు తీసుకుంటామని డీఎస్పీ సత్యానందం హెచ్చరించారు. దాడుల్లో గుర్తించిన పిల్లలకు వన్టౌన్ పోలీస్స్టేషన్ ఆవరణలో కౌన్సిలింగ్ నిర్వహించారు.
ఆపరేషన్ ముస్కాన్ దాడుల్లో గుర్తించిన బాలకార్మికుల తల్లిదండ్రులకు కూడా సీడబ్ల్యూసీ ద్వారా కౌన్సిలింగ్ ఇప్పిస్తామని డీఎస్పీ అన్నారు. తల్లిదండ్రులు లేని పిల్లలను సెంటర్ హోమ్కు తరలించి విద్యాబుద్ధులు నేర్పిస్తామని తెలిపారు. రాష్ట్రవ్యాప్తంగా ఇప్పటివరకు 12,621 మంది బాలబాలికలను రక్షించినట్లు చెప్పారు. వారందరికీ కరోనా నిర్ధరణ పరీక్షలు నిర్వహించామని వెల్లడించారు.